TUMHARI YAAD KI BARISH... PAGAL The Poet

MOHSIN NAQVI BEST prt 5

Mera Dil Jala MOHSIN

Kahan Itni Sazain Theen Bhala Iss Zindagani Main..!
Hazaron Ghar Huay Roshan Jab Mera Dil Jala "Mohsin"
Faqat Ik Lafz Muhabbat Ki Hum Nay Bheek Mangi Thi
Taras Gaye Khushi Ko Humain Mili Hai Ye Saza "Mohsin"
Sukoon-e-Zindagi Chorra Ik Teri Zaat Ki Khaatir
Magar Phir Bhi Meri Chahat Se Hai Tumko Gila "Mohsin"
Toota Hua Ye Dil Lay Kar Main Kis Kay Paas Jaunga
Hai Kaun Wo Karay Ga Jo Meray Dil Ki Dawa "Mohsin"
Teri Aankhain, Teri Saansain, Tera Chehra, Teri Dharkan
Main Kaise Bhool Paunga Teri Har Ik Adaa "Mohsin"
Kisi Ko Kia Khabar Mujh Pay Har Pal Kia Guzarti Hai
Meri Saari Kahani Ka Hai Tu Hi Aashna "Mohsin"....!

MAIN ZINDA HOON ABHI

MAIN ZINDA HOON ABHI

Mere Qatil ko pukaaro k main zinda hoon abhi

Phir se maqtal ko sanwaro k main zinda hoon abhi

Ye shab-e-hijar to sathi hai meri barson se

Jao so jao sitaro k main zinda hoon abhi

Ye pareshan se gesuu nahi dekhy jatay

Apni zulfon ko sanwaro k main zinda hon abhi

Laakh mojon main ghira hoon abhi dooba to nahi

Mujh ko sahil se pukaaro k main zinda hoon abhi

Qabar se aaj bhi""MOHSIN""ki aati hai sada

Tum kahan ho mere yaaro k main zinda hoon abhi.... 

Poet - MOHSIN NAQVI

By ALI(PAGAL)

WO HUMSAFAR THA MOHSIN NAQVI

WO HUMSAFAR THA

wo humsafar tha magar us se hum nawayi na thi,

k dhoop chaon ka aalam raha judai na thi,

Adawatein thi Taghaful tha Ranjishen thi Magar,

Bicharne wale main sab kuch tha magar be wafai na thi,

Bicharte waqt un aankhon main thi hamari ghazal,

Ghazal bhi wo jo kabhi kisi ko sunayi na thi,

kisay pukaar raha tha wo doobte huey din,

sada to ayi thi lakin koi duhaayi na thi,

kabhi ye haal k dono main yak-dili thi MOHSIN,

kabhi ye marhala jaise k aashnayi na thi.

Poet - MOHSIN NAQVI

By ALI(PAGAL)

MERA DIL JALA MOHSIN

Kahan itni saza’en thi bhala is zindgani mein,

Hazaron ghar huwe roshan jab mera dil jala MOHSIN.

Faqat ik lafz “MOHABBAT” ki hum ne bheek mangi thi,

Taras gaye khushi ko hum mili hai ye saza MOHSIN.

Sukoon e zindagi chora ik teri zaat ki khatir,

Magar phir bhi meri chahat se tum ko hai gila MOHSIN.

Toota huwa ye dil le kar main kis k paas jaonga,

Hai kaun wo karay ga jo mere dil ki dawa MOHSIN.

Teri ankhain teri sansain tera chehra teri dharkan,

Main kaise bhool paön ga teri har ik adaa MOHSIN.

Kisi ko kya khabar mujh par har pal kya guzarti hai,

Meri saari kahani ka hai tu hi aashna MOHSIN.

Nahi qaabil tere lekin munasib jo agar samjho,

Yaad rakhna duaon mein yehi hai ilteja MOHSIN.

Poet - MOHSIN NAQVI

By ALI(PAGAL)

MOHSIN NAQVI BEST COLLECTION EVER (part) 3

KYA NAAM TERA

Ye Yaad Nahi Kya

Kuch Khoya,

Bus Yaad Raha

Mujhe Pyar Hua,

.

Jub Pyar Hua

Sub Bhool Gaye,

Ek Yaad Raha

Bus Naam Tera,

.

Hum Masjid

Mandir Bhool Gaye,

Mujhe Yaad Raha

Bus Saath Tera,

.

Kuch Saloon Ba’ad

Wo Hum Se Milay,

Me Pooch Betha

Kya Haal Tera?

.

Wo Hans K Bolay

Aey “MOHSIN”

Tu Ye To Bata Kya

Naam Tera?

Poet  - MOHSIN NAQVI

By ALI(PAGAL)

MOHSIN NAQVI BEST COLLECTION EVER 2

TARK E MOHABBAT KAR BAITHAY

Tark-e-mohabbat kar baithey hum, zabt-e-mohabbat aur bhi hai

Aik qayaamat beet chuki hai, aik qayaamat aur bhi hai

Hum nay osi ke dard se apney saans ka rishta jod.r liya

Warna shehar main zinda rehey ki ik soorat aur bhi hai

Doobta suraj dekh ke Khush ho rehna kisko raas aaya

Din ka dukh sehney waloon, raat ki vehshat aur bhi hai

Sirf rutooN ke badalney ke saath badaltey rehney par mauqoof nahi

Os maiN bacchooN jaisi zid karney ki aadat aur bhi hai

Sadyoon baad osey dekha, dil nay phir mehsoos kia

Aur bhi gehree chaut lagee hai, dard ki shiddat aur bhi hai

Meri bheegtee palkoon par jab os nay donoo haath rakhey

Phir yeh bhaid khula in ashkoon ki qeemat aur bhi hai

Osko ganva kar "Mohsin" oske dard ka qarz chukana hai

Aik azziyat maand pad.ree hai aik azziyaat aur bhi hai !!

MOHSIN NAQVI

By ALI(PAGAL)

MOHSIN NAQVI BEST COLLECTION EVER BY ALI(PAGAL)

MOHSIN NAQVI NO DOUBT IS ONE OF THE BEST POET OF ALL TIME, AND HERE ARE SOME OF HIS BEST BEST BEST POETRIES, MY INSPIRATION IS MOHSIN NAQVI AND NASIR KAZMI,

ZAAKHM ASY JO NA BHARTAY DEKHAY

Kaash Aa Jaye Vo Mujhy Jaan Se Guzarty Dekhy
Us Ki Khawahish Thi Kabhi Mujh Ko Bikharty Dekhy
Wo Saleeqy Se Hua Hum Se Gurezan Warna
Log To Saaf Mohabat Se Mukarty Dekhy
Waqat Hota Hai Her Ek Zakham Ka Marham Mohsin
Phir Bhi Kuch Zakham Thy Asy Jo Na Bharty Dekhy.

MOHSIN NAQVI BY ALI(PAGAL)

BEST PEOTRIES OF MOHSIN NAQVI BY ALI(PAGAL)

PYAAR CHUPAYA NA KERO.

Rait par likh k mera nam mitaya na karo,
Ankhen sach bolti hain pyar chupaya na karo,

Log har bat ka afsana bana lete hain.
Sab ko halat ki rudad sunaya na karo,

Ye zaruri nahin har shakhs masiha hi ho.
Pyar k zakhm amanat hain dikhaya na karo,

Shahar-e-ehsas main patthar bahut, hain 'Mohsin'
Dil ko shishe ke jharonkhon main sajaya na karo.

_____________MOHSIN NAQVI______________


Wo bazahir jo zamanay sey khafa lagta hai,
Hans ker bolay bhi duna sey juda lagta hai,

Or kuch dair na bhujnay day isay Rub-e-Saher,
Doobta chaand mera dast-e-dua lagta hai,

Ab k sawan mai na gai zardi cheron ki,
Aisay mausum mai to jungle bhi hara lagta hai,

Shehar ki bheer mai kaha khultay hain us k naqoosh,
Aao tanhai mai sochay k vo kya lagta hai,

Muu chupa'ay huay guzra jo mehboob sey ajj,
Uski ankho mai koi zakham naya lagta hai,

Ab to MOHSIN k tasawur mai basa RUB-E-JALEEL,
Is udaasi mai to pathar bhi Khuda lagta hai.

MOHSIN NAQVI. 
____________________________________________



Dasht Mein Piyas Bujhaty Howe Mar Jaate Hain,
Hum Parinde kahein Jatay Howe Mar Jaate Hain,

Hum Hain Sookhay Huay Talaab Pe Baithe Howe Hans,
Jo Taaluq ko Nibhaatae Howe Mar Jaate Hain,

Un Kay Bhi Qatal Ka Elzam Hamare sar Hai,
Jo Hamain Zaher Pilatay Howe Mar Jaate Hain,

Yeh Mohabat ki kahani Nahi Marti Lekin,
Log kirdar Nibhate Howe Mar Jaate Hain,

Hum Hain Woh Tooti Howi kashtiyon Waale MOHSIN.
Jo kinaaron ko Milaatay Howe Mar Jaate Hain.

MOHSIN NAQVI


MOHSIN NAQVI ONE OF MY FAVOURITE POET AND MY INSPIRATION, I WILL BE POSTING MORE OF MOHSIN POETRIES FROM MY COLLECTION HOPE U WILL LIKE IT THANK YOUALI(PAGAL)